WILLEMSTAD.- Dia 23 di yüni 2018, pastor Raul lo kumpli 39 aña komo saserdote. Pastor lo selebrá esaki ku un konsierto , gradisiendo Señor pa medio di kanto i alabansa huntu ku pastor Pedro i pastor Jairo i Youth Explosion Ministry.
E fondonan rekoudá ku e konsierto lo ta un donashon pa e grupo di studiante di estudio di Teologia Fundamental di Akademia Katóliko. Mgr. Ellis ( AKME), pa nan por bai finalisá nan estudio na Universidat Pontifical Salesiano na Roma, pa asina nan por sigui ku formashon di nos muchanan i hóbennan.
Fecha di e konsierto ta djasabra 23 di yüni na misa di Steenrijk di 8’or pa 10’or di anochi.
Karchi ta optenibel serka sùr Nadeska, 523-9053, sùr Cristina 521-1235 i na Instituto Katekétiko Diosesano den edifisio di Obispado na Pietermaai.
Un i tur ta invitá pa selebrá i gradisí Señor huntu ku pastor Raul i demas saserdotenan.
Ban duna Gloria na Señor.