WILLEMSTAD.- Den e temporada ku Grupo Caché a tuma un pousa a nase dos grupo for di e famia di Caché kual nan ta Grupo Bliss i Grupo Carnival Republic Curaçao.
Pa Karnaval 2020 e grupo Carnival Republic Curaçao a opta pa bai kompletu bek den grupo Caché; Grupo Bliss di e otro un banda a disidí di djòin e kreashon ku Grupo Caché ta bin kuné.
E di 50  edishon Karnaval di Kòrsou ta bai ta un pa keda kòrda pa semper. Grupo Caché ta bek ku GIO i Grupo Bliss ta ku ONE. Huntu e gruponan aki ta bai duna forma na e tema “Coney Island” pa e selebrashon di siglo. Kada unu a dun’é su toke personal di e grupo.
E echo ku no a publiká e trahe a trese hopi espektativa serka tur hende. Mas ainda ora sigui e reakshon di miembronan riba e FB-page di e gruponan. Bayendo bèk den e tempu dushi di nos Karnaval kaminda ta den kaya Bo ta bai mira e fantasia di e tema presentá pa promé biaha.
“The CachéBliss Coney Island” ta un fantasia espektakular kaminda delaster detaye di e tema ta bin bèk den dje. Pueblo karnavalista di Kòrsou prepará Bo mes, paso Bo ta bai pasa den un eksperensia inolvidabel na momentu ku “The CachéBliss Coney Island” pasa den nos kayanan.
Abo ta kla p’e? Abo ta kla pa “The CachéBliss Coney Island”? Ainda tin algun lugá. Pa mas informashon por bèl, sms òf app: Grupo Caché +5999515-9907 òf +5999516-8507 i
Grupo Bliss +5999560-9250.