WILLEMSTAD.- Djasabra último e organisashon ‘Grupo Cariñitos’ a tene un rueda di prensa kaminda e fundadó, Sr. Renato Boerleider huntu ku Sr. Andy Eugenia i e lider aktual, Sr. Urvin Benita huntu ku e komishon di Cariñitos a repasá e historia di Grupo Cariñitos, e metanan, e eventonan i shownan ku e grupo a forma parti di dje den transkurso di nan 30 aña di eksistensia.
Pa loke ta trata e selebrashon di nan di 30 aniversario e punto kulminante dje selebrashon lo tuma lugá dia 25 di novèmber 2017 den klup di Shell.
Riba e dia aki Cariñitos lo duna un presentashon kaminda fanátikonan lo por disfrutá i rekordá henter e repertorio. Riba e dia aki entrada lo ta grátis. Henter pueblo di Kòrsou ta keda invitá pa tei presente, paso e selebrashon aki bo no mag di pèrd’é.