WILLEMSTAD.- Grupo di Karnaval Dushi Aventura lo bai lansa su proyekto di D'Island Girls international i den kuadro di esaki lo bai show e trahe ‘Sexy Dushi Aventura’.
Esaki lo bai wòrdu presentá pe ‘sexy bomb’ di Kòrsou kual ta Jadira Bislick i ku partisipashon spesial di e otro ‘Sexy Island Girl’ ku ta Monifa Jansen.
Pa promé biaha den su 7 aña di eksistensia e grupo lo bai show un trahe promé ku Karnaval, esaki ta hasi e aktividat aun mas mas interesante.
E trahe Glamour Sexy ta spesial p’esun ku ke bai ‘Sexy’ pero tòg ‘Classy’.
Presentashon lo bai ta djárason 8 di novèmber na Sta Barbara Resort su Shore Restaurant pa 8’or di anochi.
Ta pidi pa yega na ora pa no pèrdè e show di disfras di e trahe espektakular aki.
Dushi Aventura partisipando pa di 7 aña konsekutivo den nos gran marcha i ta konosí pa su disfrasnan hopi apart. Bin konosé e grupo mas di aserka i pasa un ratu ameno den ambiente karnavalesko.
Entrada lo bai ta grátis pa e aktividat aki.