WILLEMSTAD.- Djasabra anochi Grupo di Karnaval ‘La Vie’ a presentá su trahe pa Karnaval 2018 durante di un ambiente ameno riba e parkeerplaats di Gartish Tegelwerk. Ku e tema “The Power of Magic, with Fairies & Wizards” La Vie ta bai hasi un magia di gozadera durante di Gran Marcha 2018. E grupo ta sigui ku su 3 sekshonnan, ‘Supreme’, ‘Sexy Bomba’ i ‘Elegance’, miéntras ku pa e kabayeronan a presentá dos trahe. Louella Keller, presidente di ‘La Vie’ a informá tambe di diferente aktividat ku e grupo lo bai organisá durante di temporada di Karnaval 2018. Pa mas informashon i inskripshon bishitá e wèpsait www.lavie.live òf tuma kontakto ku Louella Keller na 665-5524.