WILLEMSTAD.- Despues di 5 aña ousente Grupo di Seú “ Amor pa nos kosecha” a disidí di ban bèk kaya i sigui konsientisá nos pueblo kon pa duna amor na nos kosecha.
Grupo di Seú “Amor pa nos kosecha” a lanta na 2007 ku e pensamentu pa nos ban planta i kuida nos kosecha, pasó konsientisando i promoviendo nos kultura serka grandi i hóbennan nos lo kosechá manera mester ta ku amor.
Tema di e trahe ta “Amor pa nos kosecha” manera e nòmber mes ta bisa. E Amor inmenso ku nos kada unu ta biba kuné tur dia di nobo pa ku nos kultura i loke nan ku nos ta kosechá.
Un di e kosechanan prinsipal ku nos ta kosechá ta amor pa ku hende. Tambe e forma kon nos ta biba ku otro. E amor pa e kosecha di nos talentonan i e amor pa tur loke nos tera ta produsí.
Si abo tambe kier forma parti di grupo “ Amor pa nos Kosecha” bo por tuma kontakto ku Miloushka Treumus na telefòn 523-3149 òf Rodney Aniseto 528-8000. Of manda un mail na amorpanoskosecha1@hotmail.com.