WILLEMSTAD.- Grupo di seú Paniweri ta kla i bendishoná pa kontagiá pueblo di Kòrsou su kaya dia 3 yüli próksimo. Direktiva a evaluá i re-aktivá pa keda garantisá e ambiente kustumbrá i presentá  bunita i organisá manera semper.

Bo ta kla pa eksperensia un biaha mas e ambiente úniko ku Paniweri sa di trese dilanti ?

Ata bo chèns hasi bo pago kompletu dia 8 mei 2022, na Frank Curiel Ballpark for di 16:00 te ku 19:00.

Despues di aki tur kos ta normalisá i bira tòg un preis pagabel pa: un trahe bunita; músika; rei di kaya; konsumo i un bon ambiente.

Ambiente musikal ta riba nivel internashonal tokando seú i ritmo krioyo direktamente for di Boneiru JC & Friends huntu ku Paniweri su rei di kaya ya pa años Hunnely Felicia.

Ta bo so falta, na laga pa otro bin konta bo! Paniweri ta pasa ‘ki. Pa sekshon general yama: +5999515-1922 òf +5999522-2278 Pa sekshon VIP limitá yama: +5999529-9219 òf +5999511-6890.