WILLEMSTAD.- Grupo di seú Paniweri ta kla pa broma den kayanan di Kòrsou durante Marchanan di Seú 2020.
Djasabra último grupo di seú Paniweri a presentá nan trahe pa seú 2020 den Hòfi Wayaka na Habaai. Tambe tabatin presentashon di e grupo musikal ku ta kompañá nan den Marcha di Seú 2020 kual ta Den Chiki.
Grupo di seú Paniweri ainda tin espasio pa mas miembro. Esaki ta último siman ku por inskribí, hasi depósito i kue midí mesora. Pa mas informashon por tuma kontakto via facebook òf por yama òf app 527-4101 òf 515-1922