WILLEMSTAD.- Selebrando 9 aña aportando na kresementu di nos Marchanan di Seú, Grupo E Rais di Sablika ta presentá den Seú 2020 “E Poder di Mama Tera”.
Direktiva di E Rais di Sablika ta invitá boso pa bin selebrá huntu ku nan den un tremendo Happy Hour, Presentashon di Trahe i Inskripshon pa e Sekshon General mañan, djabièrnè 13 mart na La Hacienda Olivia Plantation, Kaya Kasha z/n (un zijweg di Seru Loraweg).
For di 6.30 pa 8.30 anochi ku animashon musikal di nan Grupo Rítmiko Sablika ku ya pa 10 aña ta den kultura di Seú. Bin pasa un ratu ameno, den un ambiente trankil riba un djabièrnè anochi. Boso ta bon bini!.