WILLEMSTAD.- Despues di algun luna ta prepará nan 9 partisipantenan pa e elekshon di Rei & Reina Tiner pa Parada di Tiner 2020, awe ta e gran dia.
Lo bai transformá Because Garden den un tremendo ambiente kaminda ku 4 Rei i 5 Reina lo bai kompetí pa e título máksimo pa Grupo I Love Hip Hop and R&B, kaminda ku nan lo bai tin presentashon di nan Trahe pa Marcha di Tiner 2020, di 7 or pa 10 or di anochi.
Karchinan ta optenibel serka tur miembro di Grupo ILHHRB, serka e partisipantenan i si sobra na porta di Because Garden. Lo tin animashon di ICONS, Dj Krokzz, Dj Jay T, Dj Synthz i Dj Denny. Na final lo tin un Jump-In Afterparty.
E partisipantenan ta pa Rei Tiner : No1. Shersand Wanga, No. 2 Bryangelo Claresa, No. 3 Dievenier Hamen, No. 4 Alexander Juliana.
Pa Reina Tiner : No. 1 Keilan Isidora, No. 2 Roshainy Windster, No. 3 Marinelis Eisden, No. 4 Suyay Garcia , No. 5 Kionnah Gaari.
Bin apoyá boso partisipante faborito.