WILLEMSTAD.- Djasabra último grupo Paraiso Hubenil a organisá nan elekshon pa skohe nan embahadornan pa Marcha Hubenil 2020.
E ganadónan lo partisipá na elekshon di Reina, Prens i Pancho Hubenil 2020 ku lo keda organisá pa Fundashon JAG den luna di yanüari 2020.
E evento ku a tuma lugá na Sentro di Bario Otrobanda a konta ku bon asistensia di públiko.
PREMIASHON
Komo Prens a keda eligí Earlyson Cafsia ku tambe a keda komo Rei Talento. Pancho a resultá Orlando Zimmerman. Nan lo bai forma e duo pa Grupo Paraiso Hubenil.
Di tres finalista i Reina Internet a keda Ariene Dortalina, di dos finalista Achlien Sanchez Gomez. Promé finalista, Tyshandrilleys Ignacio i komo Reina Paraiso Hubenil, Reina Talento i Partisipante Mas Popular a keda korona, Ariana Winterdaal.
Pabien na tur e seis partisipantenan ku a duna tremendo presentashon. Grupo Paraiso Hubenil kier rekordá ku ainda tin algun lugá pa partisipá ku nan den Marcha Hubenil 2020. Pa mas informashon por yama 525-2222 òf inskribí riba nan página di Facebook Paraiso Hubenil.