WILLEMSTAD.- Ayera tabata e fecha pa selebrashon di e di 10 aniversario di Grupo Rítmiko Sablika. E grupo rítmiko konosí den pueblo komo Sablika ta sumamente popular pa nan manera progresivo di toka nos ritmonan kultural. Bou di direkshon di Shurendi Pieternella, e grupo di pariba, manera nan mes ta yama nan mes a lanta den e mundu farandulero di Kòrsou spesialmente den temporada di Seú i a bira popular ku un kantidat grandi di fanátiko ku ta sigui e grupo. Ayera dia di selebrashon e fanátikonan a respondé den gran forma yenando Club Union Boneriano i huntu ku e gruponan musikal ku a presentá a forma un tremendo Bembe. Pabien na e tim kompletu di Sablika!.