WILLEMSTAD.- Ku hopi plaser ViVa E grupo a presentá su trahe pa Karnaval 2019.
E aña aki ViVa ta presentá un baile Folklor di Rusia ku ta wòrdu yamá Barynya.
Barynya ta e baile mas popular na Rusia i ta un palabra ku e hende di pueblo ta usa pa tipifiká e dama di "alta sosiedat" i ku ta doño di diferente propiedat.
Den e refrein di e kantikanan folklóriko aki semper lo bo skucha  “Barynya Barynya, Sudarynya Barynya”, esaki ta nifiká “landlady, landlady, madam landlady”.
E baila aki ta un di hopi humor, alegria, fantasia i ta un baile sin un koreografia spesífiko.
E trahenan ku ta wòrdu usa pa e baile aki ta konsistí di diseñonan chic i eksklusivo.
Teniendo kuenta ku nos klima, Viva a transformá e trahenan ku ta wòrdu usá den e bailenan aki den trahenan sexy pa tantu e bailarina femenino komo esnan maskulino.
Viva ta un grupo ku ta konsistí di 500 miembro máksimo, kantidat ku ya nos a alkansá. Viva ta wòrdu kompañá musikalmente pa Score ku e rei di kaya Paul Welvaart i Highway Band ku e popular tumbero di ‘E faborito’ ku lo topa bo den kaya ‘kara kara’, Roald Balentien.

ViVa international
Pa marcha di despedida ViVa ta introdusí e aña aki “ViVa International”. Esaki ta un konsepto kaminda algun karnavalista di Aruba lo djòin ViVa huntu ku otro miembronan di otro parti di mundu. E sekshon aki lo partisipá únikamente na marcha di despedida (djamars anochi) i lo paga un fee di 650,- pa partisipashon. E banda musikal pa e sekshon aki ta Buleria. Naturalmente un persona lokal tambe por partisipá den e sekshon aki. Pa mas informashon i inskripshon di e sekshon di ViVa international, bishita e webpage di Viva www.viva-egrupo.com òf por manda un mensahe via FB òf Instagram pa Viva_egrupo òf WhatsApp na 516-3840.