WILLEMSTAD.- Grupo Zjangilae djasabra anochi a tene nan presentashon di trahe di Karnaval 2018 den Tropical Hotèl na Rio Canario.
Mundu ta desaroyando lihé. Teknologia ta avansá hopi lihé, den paisnan desaroyá mas ku mitar di loke un humano normalmente ta hasi a wòrdu remplasá pa robòt, esaki ta hopi remarkabel.
Diseñadó di e trahe aki a haña ta nesesario pa konsientisá nos, ku mester tin un balansa den teknologia i humanidat, e disfras ta simbolisá un hende mitar robòt, mitar humano, kende den su man ta karga un balansa pa keda alerta pa e balansa no len muchu pa e banda di robòt.
Abo ku ke partisipá den marcha ku un grupo ku hopi ambiente i pagando un preis di famia. Tuma kontakto ku Grupo Zjangilae na 526-2027 òf 565-7946 pa bo risibí mas informashon. Kuidou... despensa Zjangilae ta pasa !...