WILLEMSTAD.- Ayera nochi Grupo Zjangilae a presentá nan trahe pa Karnaval 2019. E tema di Zjangilae ta ‘Ice Kingdom’.
Grupo Zjangilae ku lo ta e Rei i Reinanan di e ‘Ice Kingdom’, ke konsientisá mundu pa kuida nos naturalesa, pa asina nos mundu por sigui eksistí.
Temperatura haltu den nos atmósfera ta kousa pa e polushon ku nos komo hende ta okashoná dor di: kima sushi, outonan ku ta huma, flit, rakèt, avion etc.
Ku e trahe Grupo Zjangilae ke demostrá un dje partinan mas bunita di nos Mundu, Antártika.
Suzette Apostel ta diseñadó dje trahe. Pa mas informashon i inskripshon por tuma kontakto ku Ludson Valks, lider di Grupo Zjangilae.