WILLEMSTAD.- Ayera tardi na St. Willebrord College na Otrobanda Fundashon Kultural Seú Kòrsou huntu ku e komishon organisadó di Kantadó Mayó a organisá e skohementu di órden di presentashon di gruponan rítmiko partisipante na Kantadó Mayó 2019. Un total di 9 agrupashon lo presentá riba djaluna, 25 di mart 2019, 8 grupo riba djamars, 26 di mart 2019 i 8 grupo riba djárason 27 di mart 2019. Manera ta konosí e final lo tuma lugá riba djabièrnè, 29 di mart 2019. Riba foto algun momentu durante dje sakamentu di órden di presentashon. Manera nos risibí e órden ofisial di presentashon nos lo kompartí esaki ku nos lektornan.