WILLEMSTAD.- Fundashon J.A.G. huntu ku personal di Guardian Group a firma siman pasá e akuerdo pa asina tur persona ku ta partisipá den tur e seis marchanan di Karnaval 2018 ta sigurá.
Esaki ta algu sumamente nesesario pa hasi paso komo e organisashon ku tin e pèrmit pa organisá e marchanan mester tin un seguro pa kubri kual kier problema ku por presentá durante di e Marchanan.
Guardian Group a saka un man i fasilitá e gesto bunita aki i asina bira un di e spònsernan mas ku a kere den e organisashon aki, Fundashon J.A.G.
Riba e fotonan por tuma nota na momentu ku ta firma e akuerdo entre Guradian Group i Fundashon J.A.G.