SIUDAT DI GUATEMALA, GUATEMALA, AFP.- Manifestantenan a sera por lo ménos 20 karetera na Guatemala, pa pidi renunsia di presidente Alejandro Giammattei i Fiskal General, Consuelo Porras pa aktonan di korupshon.
E pueblo a protestá pa mal maneho di e pandemia di COVID i tambe pa korupshon i falta di vakuna kontra e vírus. Outoridat a registrá manifestashonnan den diferente parti di e pais. Guatemala a akumulá mas di 355.000 infekshon i mas di 10.000 morto desde komienso di e pandemia di COVID.
