WILLEMSTAD.- Ounke e fecha di konsierto di Guus Meeuwis ta djabièrnè, 14 di òktober, e ta nesesario pa hasi esaki konosí mirando e éksito rotundo ku su konsiertonan na Kòrsou na 2013 i 2015 tabatin.
Dos konsierto ‘sold out’ ta loke a pone ku e organisadó, Shout Productions a optá pa for di awor anunsiá ku Guus ta rumbo pa Kòrsou i ku dia 14 di òktober lo e ta presentando riba Kleine Werf.
Karchinan pa e konsierto di Guus ya ta na benta i ta optenibel na van den Tweel Supermarkets i tambe via di e website di e organisadó, Shout Productions kaminda tambe bo ta risibí mas informashon riba karchinan di konsierto, karchi pa Dinner i VIP.