LA ROMANA.- Hainley Statia despues di a destaká komo mènedjer di Rookie League den organisashon di Los Angeles Angels, awor lo tin un reto nobo kuminsando otro aña. E yu di Kòrsou lo ta mènedjer di e ekipo di Klase A di e organisashon di Angels.

Statia tin mas ku un dékada ta fungi den vários ròl den stafnan di Liga Menor. El a traha tantu den e organisashon di Milwaukee Brewers i tambe Los Angeles Angels.

Miéntras ku na 2024 el a risibí e oportunidat pa ta mènedjer di e ekipo di Rookie League di Angels. Hainley den su promé aña komo mènedjer di e ekipo, a gana e premio di mènedjer di aña den Liga Menor pa Angels.

Banda di esaki último añanan Statia a gana hopi eksperensia, dirigiendo selekshon di Kòrsou ku éksito den vários torneo. Miéntras ku e aña aki e tabata ‘benchcoach’ di Selekshon di Reino den World Baseball Classic.

Aktualmente Hainley ku Toros del Este den beisbòl ‘invernal’ na Republica Dominicana. E ta fungiendo komo mènedjer di primera, pero tambe instruktor di kuadro pa e ekipo dominikano.