WILLEMSTAD.- Ku e meta pa rekoudá fondo pa e ‘Fundashon Duna Mucha un Man’, ayera nochi Curaçao Lions Club a organisá nan tradishonal evento ‘Haring & More’ na restorant Ginger na Pietermaai.E evento a resultá un ‘sold out’ i mester bisa ku tabatin un bon ambiente kaminda e públiko presentá por a disfrutá di e tradishonal haring, esaki huntu ku sòpi erwten, rookworst, keshi i dos ora di bar habrí. E rekoudashon dje aña aki lo yuda ‘Fundashon Duna un Man’ sigui ku nan proyekto di suministrá desayuno tur mainta na 1400 mucha na 30 skol repartí rònt Kòrsou. Riba fotonan nos por apresiá parti dje ambiente ayera nochi durante di ‘Haring & More’.