WILLEMSTAD.- Legumai ku si bo ta un gustadó di haring si òf no, pero mester remarká ku e públiko baidó di eventonan di Curaçao Lions Club ta pèrkurá pa duna e sosten nesesario na kada un evento pa rekoudá fondo. Ku ‘Haring Party’ e meta tabata pa rekoudá fondo pa e proyekto di Fundashon ‘Duna Mucha un Man’, un proyekto ku ta pèrkurá pa diariamente un kantidat di mucha risibí desayuno na skol. Riba foto nos por apresiá e públiko ku tabat’ei presente i a disfrutá di haring, rookworst, keshi i e tradishonal ‘snert’, erwtensoep.