‘Hats Off to Dreams’ grupo di aña Gran Marcha 2019

WILLEMSTAD.- Djasabra anochi a tuma lugá e premiashon di Karnaval pa loke ta Gran Marcha 2019.

PREMIASHON
E grupo ‘Hats Off to Dreams’ a resultá e ganadó i adishonal a risibí premio tambe pa Fantasia General, Roadpiece di Aña, Mas Impaktante, Mihó Bar i Mihó Akabá.
Premio Historia Nashonal Mundial a bai pa Grupo Entrenous. Premio pa Folklor Internashonal i Premio Mas Ambiente a bai pa Grupo Estreno di Pikete. Premio pa Mihó Karosa a bai pa Dushi Aventura i e premio pa Individual den Gran Marcha a bai pa John John.
E grupo ku a resultá ganadó di e kampaña di UTS i ku a risibí un chèk na balor di 10 mil florin a resultá Grupo ViseVèrsa.

Premiashon Grupo di Aña
Estreno di Pikete a resultá di dos finalista. Premio pa Promé finalista a bai pa Dushi Aventura i komo Grupo di aña pa Gran Marcha 2019 a resultá manera nos a informá ‘Hats off to Dreams’. E grupo a risibí for di man di sra. Ellen, representante di EXTURA, el Tributo i Entiero na Kuota, un chèk na balor di 15 mil florin.

SHARE

LEAVE A REPLY