GINEBRA, SUISA, AFP.- E hefe di Derechonan Humano di Nashonnan Uní, Volker Turk, a denunsiá e komentarionan kontroversial di e minister di Finansa israelí, ku a pidi pa “eliminá” un lokalidat palestino for di mapa.
“Mi ta haña ku mester eliminá pueblo di Huwara” for di mapa, segun indikashon di minister Bezalel Smotrich, dos dia despues di asesinato di dos ruman israelí den e lokalidat ku ta keda den Wèst Bank okupá.
Smotrich a kambia su deklarashonnan un ratu despues bisando ku e no tabata ke men ku mester “eliminá pueblo di Huwara, pero aktua di forma selektivo kontra teroristanan”.
Djadumingu desénas di kolonia israelí a sende kasnan i vehíkulonan na Huwara na kandela komo represaya pa e morto di e rumannan.
E konflikto palestino-israelí ya a kobra bida di e 65 palestino i 13 israelí e aña aki, inkluyendo un sivil ukraniano, segun un konteo di AFP.
