Heinrich José Pieter 

Hende ta proponé, pero Dios ta disponé.
Gerensia, staf i personal di Autobusbedrijf Curaçao N.V. ta kumpli ku e tristu deber di anunsiá fayesimentu di su empleado, señor:

Heinrich José Pieter
 Shofùr di konvoi

Heinrich a laborá pa un total di 32 aña na nos kompania  okupando diferente funshon.

Nos a konosé Heinrich  komo un empleado hopi alegre, sosial ku un pashon grandi pa organisá diferente aktividat sosial.

Na su rumannan, primu i demas famia ta bai nos mas  profundo kondolensia i forsa pa karga ku e pèrdida aki.

Heinrich, bo deseo pa biba tabata grandi.
Bo a hiba e lucha balente i ku hopi fé.

Akto di entiero ta tuma lugá djasabra 19 di novèmber 2022 saliendo for di Misa di Sta. Famia pa santana katóliko na Roodeweg. Ta kuminsá risibí bishita di kondolensia for di 13:00 te ku 15:30 na misa di Sta. Famia. Despues di entiero no ta risibí bishita di kondolensia na kas.

Ku Heinrich Pieter sosegá na pas.

Gerensia, staf i personal di
Autobusbedrijf Curaçao N.V.