WILLEMSTAD.- Un dje puntonan importante ku mester bin un kambio den dje ta e koperashon i aporte ku pueblo di Bándabou tin ku duna pa engrandesé Karnaval di Bándabou.
Tantu Rignald Maduro komo Johnny Isabella den e rueda di prensa ku a tuma lugá djárason último a enfatisá ku e pueblo mester duna su aporte. Ta importante pa traha pa futuro di Karnaval di Bándabou, pe motibu ei mester organisá na un manera responsabel. ‘Bándabou su Karnaval ta un di ambiente familiar i di kreatividat i mester traha ku kurason pa un bon Karnaval di Bándabou’, asina Rignald Maduro a enfatisá.
KEDA TRANKIL
Johnny Isabella a pidi tur hende pa keda trankil, refiriendo na e kreditornan. El a pidi pa nan no hansha. ‘Nos ta bai traha riba pagonan ku a keda atras. Pe aña benidero spònsernan lo no ta den e budget’.