NEW YORK-. Hensley Meulens despues di algun tempu leu for di “coaching” a hasi su regreso den e esaki na momentu ku el a firma ku e ekipo di New York Yankees. Ekipo den kua el a debutá i bira promé YDK pa hunga den Liga Grandi. Deporte EXTRA a kombersa ku Hensley Meulens riba su temporada komo instruktor di bateo ku Yankees.

E regreso den e ekipo a bai hopi bon Hensley a kuminsa na bisa. E ekipo tin e mihó rèkort den Liga Grandi, hungando bon beisbòl i kibrando varios rèkort. Sigur un bon desishon i e momentu adekua pa a bin e ekipo di Yankees Hensley a siguí bisa.

Picheo,fildeo i bateo di e ekipo ta bon, korementu di base tambe a mehora segun Hensley Meulens.

Varios hungadó ta destakando i e ekipo kolektivamente ta lusi hopi solido segun Hensley.

Tin varios hungadonan ku e staff ta spera pa drenta den nan baliña huntu ku sobra hungadonan ku a destaka te ainda den e temporada aki.

E mentalidat den e ekipo no opstante e eksito te ainda den temporada regular ta di ku ainda no a logra nada e promé YDK pa hunga den Liga Grandi a siguí bisa.

Tin ku siguí gana i mantene nos mes na promé luga pa asina por tin liber den e promé rònt Meulens a enfatisá.

E temporada aki tin un kambio den e struktura di postemporada. Un di e kambionan ta  kaminda e dos mihó ganadó di divishon den kada un Liga den temporada regular lo tin liber den e promé rònt di postemporada.

Mirando ku den Liga Merikano tin varios ekipo fuerte esaki lo ta algu bon Hensley Meulens a finalisá bisando.