WILLEMSTAD – Prensa merikano ta informá ku Mark Kotsay a surgi komo faborito pa bira manager di San Francisco Giants. Apesar di esaki, Henley Meulens ketu bai ta den kontienda i ta entre e 7 kandidatonan ku ta ser konsiderá seriamente pa e puesto vakante aki. Meulens so aspirashon ta di bira e promé yu di Kòrsou pa manehá un ekipo di Liga Grandi. Su soño ketu bai por bira realidat sea ku Giants mes of ku un otro organisashon. Segun e informe, Giants ainda no ta na punto pa nombra nan próksimo manager. E desishon aki ta den man di e presidente di operashon di beisbòl di Giants, Farhan Zaidi. Manera a indiká kaba, Giants a identifiká 7 kandidato ku lo keda konsiderá seriamente. Giants a informá tantu Hensley Meulens komo Ron Wouts komo úniko dos kandidatanan interno ku ámbos ta den kontienda ainda. Segun prensa merikano lo ta un sorpresa si Kotsay no keda nombra. Kotsay ta den e organisashon di Oakland Athletics komo un coach. Tempu ku Kotsay tabata hunga pa Oakland Athletics, Zaidi tabata gerente den e organisashon aki. Asina e  laso ta entre Zaidi i Kotsay.