WILLEMSTAD.- Hermanito Narvaez ta sinónimo di Karnaval Total. Pa mañan djasabra 6or di atardi Hermanito a bolbe prepará otro edishon di ‘Oro Puru, Puru Oro’ ku sigur lo trese nostalgia pa nos amantenan di Karnaval.
E edishon di mañan ku ta keda ripití djadumingu mèrdia 12 or lo keda dediká na rekuerdonan di Karnaval.
Lo bo por mira i skucha e ambiente dje popular Jump In di Bestuurscollege di 2005. Prens Willem Alexander, awó Rei, na 1987 a baila tumba den SUBT. Na 1996 Festival di Tumba a keda dediká na Hermanito Narvaez. Parti di Gran Marcha 1994, Eddie Mar su presentashon di ‘Move bo sintura’ den Festival di Tumba 1984 ku Frank & Friends.
Parti di Gran Marcha 1988, presentashon di Ketchap ku Chiwawa den Sentro Pro Arte kombiná ku presentashon di Cesario Jean Louis ku su bailarinnan di Limbo.
Roy Senchi su presentashon den Festival di Tumba na 1984 ku ‘Klok ta Bati’ kompaña pa Explosion Latina. Hildo Henriquez su ‘Spanta Zumbi’ ku Combo Magic Fire di 1983 tambe ta forma parti dje programa i di 2008 lo zona ‘Den bo brasa mi ke ta’ di Hendrik de Windt.
‘Oro Puru, Puru Oro’ ku Hermanito Narvaez na TeleCuraçao.