Hermes (Jepo) Girigorie Willems

Gradisimentu i Invitashon
Na nòmber di su kasa, yunan, nietunan i rumannan di nos kerido defuntu

Hermes (Jepo) Girigorie Willems

Kier a gradisí tur persona ku a mustra atenshon na ora di morto i entiero di nos Hermes stima. Boso presensia tabata un gran konsuelo pa nos. Danki na tur yamada di telefòn, medionan sosial i boso atenshon na kas. Un danki special na Dr.Schnog i su team, Sra. Gloria i e personal di El Tributo. Alabes nos ta partisipá ku lo tin dos Santu Sakrifisio di misa pa deskanso di alma di nos defuntu stima ku lo ta lugá djaweps 6 di yanüari i djasabra 8 di yanüari 2022, na misa di Spiritu Santu Tera Kora pa 7'or di anochi.
Aseptá esaki komo un invitashon personal.