WASHINGTON, MERKA.- Pa di tres siman sigui “ Hitman’s Bodyguard” a sa di mantené su mes na kabes dje lista di pelíkula mas mira na Merka, esaki dilanti di e pelíkula di teror ‘Annabelle 2’, esaki segun sifranan ku a keda publiká djadumingu.

Di akuerdo ku ‘Box Office Mojo’, e wikènt tras di lomba a resultá esun di mas malu pa loke ta trata benta di karchi pa e fin di siman di ‘Labor Day’ den e último 17 añanan. E 12 pelíkulanan ku mas karchi bendí a rekoudá apénas 51.6 mion dòler, esaki kompará ku 49.9 mion dòler di e siman promé.

‘The Hitman’s Bodyguard’, un komedia di akshon ku Samuel L. Jackson i Ryan Reynolds a rekoudá 10.2 mion dòler, ‘Annabelle 2’: 7.3 mion dòler. Total e dos pelíkulanan aki rekoudá te na e momentunan aki, 54.9 i 89 mion dòler respektivamente.

Na di tres lugá a keda ‘Wind River’ ku 5.9 mion; ‘Ballerina’ ku 4.9 mion a keda na di kuater lugá dilanti di ‘Logan Lucky’ ku a generá 4.4 mion dòler. Na number 6 ‘Dunkerque’; 7. ‘Spider-Man: Homecoming’; 8. ‘Emoji’; 9. ‘Despicable Me 3’ i 10. ‘Girls Trip’.