WASHINGTON, MERKA, AFP.- Un hóben koló skur ku un ansiano a tira dos bia despues ku el a bati na esaki su porta pa eror, a keda invitá pa bishitá presidente Joe Biden na Kas Blanku, miéntras e agresor a entregá su mes na outoridatnan.
Ralph Yarl di 16 aña a risibí tiru djaweps anochi, un di nan den kabes, den e estado di Missouri despues ku el a bèl na un kas robes miéntras el a bai buska su rumannan ohochi.
Biden a kritiká e insidente komo otro ehèmpel di frakaso di pais pa enfrentá e violensia armá generalisá. “Niun tata mester preokupá ku su yu ta keda tirá despues di bèl na porta robes. Nos tin di mantené e lucha kontra e violensia arma”, asina Biden a tweet i a añadí ku el a papia ku Yarl i su famia e anochi promé. “I Ralph, nos ta topa bu den ofisina Oval ora bo ta mihó”, asina presidente a agregá.
