BOGOTA, COLOMBIA, AP.- Presidente di Fransia, Francois Hollande, a ratifiká su apoyo na e proseso di pas kolombiano den un promé bishita ofisial na e pais suramerikano di un hefe di Estado franses den 28 aña.

“Semper tin insertidumbre den prosesonan manera esaki. Semper tin riesgo. Semper tin duda, pero loke Fransia i e komunidat internashonal mester hasi ta sostené e momentu oportuno i e momentu klave ta awor”, asina Hollande a bisa den kompania di su homólogo kolombiano, Juan Manuel Santos, den e Kas Presidensial di Narino. E biahe ofisial lo dura dos dia.

E gobièrnu di Fransia i Colombia a firma vários akuerdo pa reforsá koperashon i komersio entre ámbos pais.

Ounke no a detayá den ki forma e yudansa franses i europeo lo ta, Hollande a mustra su preokupashon pa esnan pèrdí i pa muchanan sòldat.

President di Fransia Francois Hollande, (links), i Presidente di Colombia Juan Manuel Santos (reks)