MIAMI, AP.- Un hòmber di Florida a keda akusá di menasa ku morto un legisladó estatal via di Facebook, asina outoridatnan a bisa.
Departamento di polis di Miami Dade a bisa ku Steve St Felix di 34 aña a publiká djadumingu e menasa kontra e legisladó republikano Jose Felix Diaz. E mensahe publiká riba ret sosial a bisa ku St. Felix lo mata e legisladó si e asistí na un reunion polítiko.
Despues di a keda arestá St. Felix a atmití di a hasi e menasa i a bisa ku e ta kansa di partido republikano. Investigadónan tambe ta bisa ku e sospechoso a bisa ku e no tin intenshon di hasi algu malu kontra niun hende i ku na momentu di a publiká e mensahe e no a bebe su remedinan.
