ORANJESTAD.-Polisnan na Aruba a detené dos hòmber di edat hopi yòn relashoná ku e kaso di asesinato ku a tuma lugá den Flamboyanstraat. Awor ta resultá kue dou aki lo ta embolbí den mas kaso kriminal, asina Kuerpo Polisial di Aruba a informa EXTRA.

Manera EXTRA a informa anteriormente, djabièrnè mainta sentral di polis a haña notifikashon ku a topa ku un hende muhé morto den un kas ku herida di bala den su kabes. Ta trata di S.R. C di 20 aña nasé na Aruba.

Den fin di siman tras di lomba polis a anunsiá ku a detené dos persona relashoná ku e kaso di asesinato aki. Ta resultá ku e dos Hòmbernan aki di apénas 17 aña di edat ta sospechá tambe di tin di aber ku e kaso ku un outo lo mester a los tiru riba diferente persona den kua 4 persona a resultá herida. No ta deskartá e posibilidat ku e dos Hòmbernan aki ta embolbí den mas kaso.