WILLEMSTAD.- Mañan anochi, 6 di febrüari 2018, lo tin un homenahe pa Urvin ‘Luwi’ Jano den bario di Jandoret. Pa 7’or di anochi lo tin un Santu Sakrifisio di Misa na Misa di Jandoret pa yama Dios danki ku a Sende Lus riba Kòrsou. ‘Luwi’ komo mucha di Jandoret i e otro embahadornan di Karnaval 2018 lo tei presente. Despues di Misa lo bai tin un ambiente riba e plenchi di Misa ku animashon musikal di Dreams, dj Sync, brasbènt i Rei di Tumba 2018. E evento ta plania pa kaba 11’or di anochi. Jandoret ta di fiesta mañan anochi, pueblo di Kòrsou ta invitá!.