Dia 10 di òktober riba Plasa Brion

WILLEMSTAD.- Minister Sithree van Heydoorn ayera tardi a anunsiá ku dia 10 di òktober próksimo riba Plasa Brion lo tin un homenahe póstumo na nos héroe musikal Cedric ‘Ced Ride’ Ridderplaat.

Un total di 16 kantante, entre otro Farley Lourens, Boy Thode, Kadir Snijders i Ephrem J lo interpretá 16 kansion ku a skohe for dje kolekshon di alrededor 200 kansion.

Hershel Rosario ku a produsí diferente dje produkshonnan musikal di Ced Ride a indiká ku ensayonan ya a kuminsá i ku e trabounan di direkshon di orkesta lo wòrdu hasi dor di Ronchi Matthew i su persona.

Kor Sta. Famia ku tin un repertorio tambe di kansionnan di Ced Ride lo presentá durante dje homenahe póstumo.

Minister van Heydoorn a enfatisá ku e homenahe lo bai bira algu grandi.

FOTO: