WILLEMSTAD.- Grupo rítmiko Oriri ta halando basta atenshon. Nan presentashonnan i awor tambe grabashon a pone ku tin sigur 3 grupo di Seú ku ta interesá pa nan bai Marcha di Seú 2019 ku músika di Grupo Oriri. ‘DEN E BEMBE’ a kombersá ayera nochi ku Dj Danger i el a konfirmá e informashon aki i a pidi espasio pa por kaba di atendé e petishonnan. Manera e ta kla lo e laga sa ta kua grupo lo por konta ku animashon di Grupo Oriri den Marcha di Seú 2019.