SAN FRANSISCO, AP.- Un hues federal di San Fransisco a blòkia e polítika di presidente Donald Trump, kual ta manda solisitantenan di asilo bèk pa México, miéntras nan ta warda pa korte skucha nan kaso. Pero òrdu lo no drenta na vigor di forma inmediato.
Hues Richard Seeborg a konsedé un solisitut na gruponan defensor di derechi sivil pa suspendé e práktika. E desishon ta suspendé te ku djabièrnè pa duna outoridat federal tempu pa presentá un apelashon.
E gruponan ta afirmá ku e polítika ta violá leinan federal dor ku no ta evaluá e peliger ku e migrantenan na enfrentá den México.
Trump su gobièrnu a señalá ku e polítika a wòrdu implementá dor di un krísis na frontera sùit, kual a saturá e kapasidat di outoridat migratorio pa para e migrantenan.
E inisio di e práktika den yanüari último a presentá un kambio sin presedente den e sistema di asilo di Merka.
