WILLEMSTAD. - Tur aña CTB tin un tim ku ta hasi inspekshon di playanan den preparashon di Semana Santa. Den e wikènt tras di lomba esei tabata e kaso atrobe. E tim  a pasa na mayoria playa na Banda Abou i a konstatá alabes basta aktividat ku no tin pèrmit pa nan.

E tim bou di guia di Ritsel Godfried a señalá ku na tantu Playa Lagun i tambe Playa Kenepa tin trùknan di batido stashoná i ta bende kos sin e pèrmitnan nesesario. Na tur e dos playanan ta mesun doño ta bende kos.

Na Playa Kenepa nan a bai mas leu, esta di kuminsá hür parasòl sin pèrmit.

E desaroyo aki lo haña atenshon den e dianan benidero.

...Riba e kombinashon di foto por haña bista kon Playa Kenepa ta awor ku e parasòlnan ku ta keda di hür i tambe por mira e trùknan di batido un na Lagun i un na Playa Kenepa. Esun na Playa Kenepa tabata será, miéntras esun na Lagun si tabata bendiendo...