Mañan djasabra den PWFC

WILLEMSTAD.- Despues di un presentashon na prensa eksitoso djadumingu último, International Beauty & Fashion Foundation (I.B.F.F.) ta kla pa presentá pueblo di Kòrsou otro espektákulo di beyesa pa loke ta trata e sertámen di Miss Curaçao Teenager 2020.
Riba e anochi di ‘Gala of Beauty’, mañan djasabra 3 di òktober, un kuerpo di hurado lo skohe den e 8 beyesanan ken ta esun ku e mihó kabei, sonrisa, kara, kútis, pia, body, look di modelo i personalidat.

E show lo konta ku presentashon di Vision by Ludwig ku ta enkargá ku e parti di opening i Scarlet Zalm de Groot ku pa 17 aña lo ta e maestro di seremonia. E evento lo keda transmití bibu for di 6 or di atardi pa e kanal #1 di beyesa na Kòrsou, Televishon Direct kanal 13.
Teniendo kuenta ku e protokòl di higiena stipulá pa Gobièrnu di Kòrsou, PWFC multi-functional center un biaha mas lo ta esenario pa un show tur afó ku I.B.F.F. i su direktora Ayanette Statia ta trahando duru riba dje konhuntamente ku e 8 beyesanan di momento: Rigene Isenia, Daïsha Jansen, Liyanne Hoevertsz, Danila Magdalena, Cyara Bazoer, Nàtania Dolorita, Marlen Ignacio i Chelsea Valies.
IBFF ta gradisí kada un di nan spònsernan ku ta hasiendo e temporada di Miss Curaçao Teenager 2020 unu eksitoso.

IBFF - ... Partisipantenan pa Miss Curaçao Teenager 2020 ...