WILLEMSTAD.- Dia 9 di novèmber próksimo e grupo ‘I Love Hip Hop R&B’ lo tin nan elekshon di Rei i Reina Tiner, kombiná ku Show di trahe 2020 i un tremendo Jump In Afterparty ku ICONS, dj Krokz, JayT, Synthz i Denny. Un total di 10 partisipante, 6 damita i 4 mucha hòmber ta kompetí pa Rei òf Reina Tiner. E evento aki ta sirbi tambe pa tur ku ta interesá pa partisipá den e grupo pa nan por bai Parada di Tiner na un preis mas redusí. Simplemente bo mester inskribí i pasa tuma karchi pa bende djabièrnè awor entre 6 or pa 8 or di anochi na Fusions Restaurant na Saliña. Karchinan pa e elekshon ta kosta 20 florin i ta optenibel serka tur partisipante di “I Love Hip Hop R&B”, serka e tim di promoshon òf pa mas informashon yama 670-6562 òf 525-7264. Pa Parada di Tiner 2020 e grupo di Hip Hop R&B lo keda kompaña pa ICONS i un sorpresa ku lo keda anunsiá aki dos siman.