WILLEMSTAD.- Direktiva di IBFF ayera durante di un ambiente ameno na Renaissance Curaçao Resort & Casino a firma kontrakt ku mayor di e hóbennan ku a resultá ganadó den e sertámen di Miss Curaçao Teenager 2017.
Aubrey America, miembro di IBFF a gradisí mayornan pa nan konfiansa depositá den IBFF. Aserka, America a splika e sistema kon e organisashon lo bai manehá e komishon ‘Beauty for the Community’ durante dje aña aki i ku e lema ‘Hasi mas pa nos Komunidat’ lo ta e punto sentral ku e hóbennan lo tin ku bai enfoká nan mes riba dje, spesialmente loke ku nan a skohe ku ta ‘Salú, deporte i kuido na personanan ménos privilegiá’. Riba foto nos por apresiá Aubrey America di IBFF den kompania di e tres reinanan i nan mayornan.