WILLEMSTAD.- International Beauty & Fashion Foundation, IBFF ku hopi orguyo ta anunsiá ku ofisialmente nan a afiliá na dos agensia di artista i talento internashonal.
Ta trata aki di HMA Marketing and Talent Agency establesé na Texas, Merka i Sean Production International.
HMA Talent Agency no ta solamente pa modelahe pero tambe ta guia talentonan pa bira aktor i aktris. Di su banda Sean Production ta un agensia netamente di modelo i tambe spesialisá riba sertámennan maskulino.
Ku e eskoho aki IBFF ta bai duna modelonan di sekso maskulino e oportunidat pa nan kuminsá partisipá na sertámennan grandi internashonal.
Ku e anunsio aki IBFF ta habri di forma ofisial e temporada pa inskribí pa e kursonan di modelahe pa dje forma ei prepará nos hóbennan pa na momentu ku e dos agensianan bin Kòrsou den luna di Novèmber pa oudishon i selektá e talentonan pa merkado internashonal. Kursonan di modelahe ta pa tantu mucha, pre teen, hóbennan maskulino i femenino.
E kursonan lo tin un durashon di 3 luna i pa bo partisipá den e oudishon bo mester tin un diploma di HMA HESS models Curaçao pa bo partisipá na e oudishon internashonal.
Pa mas informashon i inskripshon por yama 788-1103 òf 695-6491.