WILLEMSTAD.- Pa promé biaha e sertámen di ‘Miss Teen International H2O Ambassador’ lo tin un representante di Ulanda.
E damita, Margaretha Geertruida Maria Beets, ku aktualmente ta ‘Teen Noord Nederland 2017’ lo ta na Kòrsou otro siman pa kompetí den e sertámen ku tin komo meta pa yuda konsientisá e konservashon di awa.
IBFF ta gradisí, Argi Tramm, un hóben ku ta finalisando su estudio di MBA kende ta e persona ku ta logrando pa IBFF pone Kòrsou riba mapa mundial ku e sertámen aki.
Segun informashon tin e posibilidat tambe pa un hóben di Bèlgika bin partisipá na e sertámen komo ‘Teen H2O’ pa Bèlgika.
Sigui e página di facebook: https://www.facebook.com/missteeninternationalh20ambassador/ pa dje forma ei bo ta bon informá di e evento.