WILLEMSTAD.- International Beauty and Fashion Foundation konhuntamente huntu ku tur partners ta presentá e aña aki e 15 Aniversario di e sertámen di tiner mas grandi na Kòrsou ku ta Miss Curaçao Teenager 2018.
Un sertámen ku mas ku esei ta un beyesa di edukashon integral kaminda un hóben ta drenta i sali eduká i informá di tur loke ta pasa alrededor di dje, ku tin e karakter nesesario pa asina por bringa pa su prinsipionan pa mañan i por ta un ehèmpel den e komunidat aki ku mester di ‘Role Models’.
Manera semper IBFF a bin ta propaganda ku un hóben ku inskribí den e sertámen aki mester bin ku e gana di siña i no pensa ku solamente ta beyesa lo yuda bo gana e korona sino: disiplina, kontenido ku bo duna bo partisipashon i proyektonan ku lo bo tin ku hasi. Un di e rekisitonan importante tambe ku IBFF ta pidi ta pa mayornan ta responsabel i no hinka nan yu solamente pa e partisipá sin sigui e desaroyo di e hóben den su totalidat i semper e lema di IBFF: “No hinka bo yu den algu ku e no por siña nada for dje”! .
Kòrda tene na kuenta ku IBFF lo keda kontrolá den e sertámen pa skol kana super bon sino e hóben ta kore e riesgo di ser deskualifiká. E aña aki e selebrashon lo ta engrande mirando ku nos ta selebrá 15 aña di eksistensia ku ta poko ta esnan ku por logra keda konsistente pa logra esaki!
E aña aki e temanan di e shownan ta: Gala of Beauty: ‘Andale Andale Mexico’ i Sertámen Final: ‘Quinciañera’.
P’esei IBFF ke invitá abo damita entre 13 pa 17 aña ku bo mayor pa bosnan yama na nos kantor na WTC 788-1103, 521-6890 òf 695-6491 òf por bishita e página di facebook  https://www.facebook.com/Ibffcuracao, mail na curacao.ibff@gmail.com,  christopher.ibff@gmail.com i manda bo informashon pa asina por tene kontakto ku bo mayornan, tene na kuenta ku temporada ofisial lo kuminsá 1 di mart próksimo!.