WILLEMSTAD.- IBFF komo un fundashon ku ta para pa beyesa den tur su aspekto a petishon di un públiko basta grandi huntu ku Renaissance Curaçao Resort and Casino a yega na un tremendo siman di Moda.
Mirando ku ya no tin hopi show di moda i mané a kustumbrá den pasado di e ‘Couture Fashiona Day’, IBFF a traha tòg pa duna 60 modelo e oportunidat di otro siman por eksperensiá dos show di nivel.
E promé te show kaminda Renaissance tur aña ta promové e diferente pakusnan den Riffort i ku IBFF tin 7 aña kaba ta produsí pa e prestigioso empresa aki i di dos ta un show di moda titulá "A Kiss for Christmas", kaminda e tim di IBFF lo produsí un tremendo produkshon kaminda lo enfatisá e amor ku nos ku nos mester tin pa e temporada di mas bunita di aña bibando den pas i union.
Den kuadro di eventonan aki IBFF ke invitá tur modelo di Kòrsou pa nan pasa awe djárason i mañan djaweps pa nan inskribí entre 5’or di atardi pa 8’or di anochi na e ofisina di IBFF na WTC, (no tin niun kosto mará) pa selekshoná esnan ku lo kana den e diferente shownan aki.
IBFF ta aseptá 20 mucha, 10 modelo maskulino i 30 modelo femenino, posibilidat pa poko plùs sais bunita. Na e manera aki IBFF ke kontribuí ku nos sektor di Moda dor di presentá un show ku lo bai tin basta sorpresa aden pa asina nos kaba nos aña ku broche di Oro.
Pa mas informashon por yama ofisina di IBFF na 788-1103, Aubrey 695-6491 òf mail na curacao.ibff@gmail.com