LOS ANGELES.- Zlatan Ibrahimovic a bandona ManUnited i el a firma un kontrato di dos aña ku LA Galaxy di MLS, asina dos persona ku tin konosementu di e situashon na The Associated Press ayera.

E delantero di 36 aña di edat ta goliado maksimo di e selekshon sueko di tur tempu ku 62 gol den 116 wega internashonal i e ta e prome hungado na partisipa den Champion League ku shete ekipo.

El a Sali for di PSG direkshon ManUnited prome ku e temporada 2016-17 pero foi despues ku el a sufri un leshon na su rudia drechi dia 2 aprel, el a hunga solamente dos wega komo titular i sinku komo suplente, dor di anotá su úniko gol 20 desèmber kontra Bristol City den un wega pa Kopa di Liga.