WILLEMSTAD.- Ku un tremendo konsierto ayera nochi riba Freewinds e konosido kompositor, músiko, kantante Ike Jesurun a selebrá su di 45 aniversario den farándula.
‘Starlight Ballroom’ riba Freewinds tabata kompletamente yen di públiko ku a disfrutá di un konsierto kaminda kantantenan manera Boy Thode, Urvin ‘Luwi’ Jano, Darwin Gregg, Monica Mao-Cheia i Melania van der Veen a presentá komposishonnan di Ike ku a resultá éksitonan grandi den pasado. Presidente di AMAK, Manfred ‘Feco’ Gomes, Ministernan Hensley Koeiman i Alcala Wallé a hiba palabra durante dje anochi. Pabien Ike !