ORANJESTAD. -  Un interes enorme tabatin ayera tardi na “Sandra’s Garden” na Aruba pa e tradishonal konferensia di prensa di AMAK pa ku festival di tumba di Kòrsou 2018. Prensa na Aruba a presentá engrande pa skucha kiko entre otro presidente  di AMAK,  Manfred “Feco” Gomez tabatin pa konta di e festival dje aña aki.
Primeramente e direktiva diario di AMAK enkabesá  pa Sr. Gomez a bishita minister Presidente di Aruba, Sra. Evelyn Wever Croes  i tambe minister di Kultura. Sra. Xiomara Ruiz Maduro  pa entre kambia e posibel solushonnan pa ku partisipashon di artistanan durante marchanan di Karnaval i tambe ayudo ku Kòrsou por brinda Aruba den e aspekto pa guia hóbennan di Aruba musikalmente.
Promé Minister di Aruba, Sra. Evelyn Wever Croes a primintí ku lo hasi lo máksimo esfuerso pa un solushon ku ta benefisiá tur dos isla den futuro.
Pa loke ta e konferensia di pensa mes,  representantenan di CTB tambe tabat’ei presente pa enfatisá riba e parti di turismo pa ku e festival grandi aki di Kòrsou miéntras ku Sr. Manfred Gomez a mustra riba e echo ku e Festival ta hopi famoso na Aruba pa e motibu tambe ku ku diferente kantante di Aruba ta partisipá último añanan i sigur e aña aki ku Buleria ku ta asina famoso na Kòrsou.
Rocco Franken ku  resientemente tabatin tremendo presentashon durante e festival di Tumba di Kòrsou tambe tabata presente i a hiba palabra huntu ku direktor musikal di Buleria ku ta Dwight Leoneta splika kon e preparashonnan ta kanando pa Buleria ta den gran forma djárason otro siman komo banda number 8 di anochi.
Sin duda tabata un konferensia di Prensa ameno i ku media na Aruba a hasi e preguntanan nesesario. Kòrsou ta pendiente pa un delegashon di prensa di Aruba bishita manera ta kustumber e festival di tumba e aña aki.